Kryetari i PD-së, Sali Berisha dhe kryetari i Partisë së Lirisë, Ilir Meta, firmosën këtë të enjte marrëveshjen për zgjedhjet lokale të 14 majit.
Anëtarja e PD-së, Jozefina Topalli, në emisionin “Të Paekspozuarit”, nga Ylli Rakipi, u shpreh se kjo nuk është hera e parë që Berisha e Meta, sjellin një marrëveshje të tillë.
”Nuk është hera e parë që shohim një marrëveshje të tillë, hera e parë ka qenë në 2009. Këtë e shoh si një marrëveshje që nuk është se Meta e Berisha e kishin me entuziazëm të madh, secili do donte të qeverisë vet, kur nuk është e mundur kjo, atëherë duhet të gjesh koalicione. Kështu që ky është momenti i dytë i krijimit të frontit opozitar përballë një qeveri që i ka marrë të gjitha pushtetet. Në këtë rast Meta, nuk bënë të nënvlerësohet sepse ai ka marrë 100 mijë vota”.
