“Ambasada e BE në Tiranë keqinformon Brukselin”, zëdhënësi i KE: Akuza të pabaza

Zëdhënësi i komisionit evropian, Peter Stano, ka reaguar përmes rrjetit social Twitter në lidhje me disa akuza për punën e BE-së në Shqipëri.

Me anë të një reagimi të shkurtër, Stano i cilëson këto akuza si të pabazuara, teksa vlerëson punën e bërë nga ambasadori Soreca.

“Akuzat në disa media që vënë në pikëpyetje punën e delegacionit të BE-së në Shqipëri janë të pabaza.

Qëndrimet e shprehura nga delegacioni i BE në Tiranë janë qëndrime të BE-së. Ne mbështesim plotësisht punën e saj të shkëlqyer duke përfshirë edhe reformën elektorale drejtuar nga Ambasadori Soreca dhe ekipi i tij për ta afruar Shqiperinë me Bashkimin Europian”, shkruan Stano.