Ambasadorët e SHBA dhe OSBE në zyrën e Bashës për reformën zgjedhore

Ambasadori i SHBA në vendin tonë, Donald Lu, dhe kreu i delegacionit të OSBE, Bernd Borchardt, i janë drejtuar mëngjesin e sotëm selisë blu, për t’u takuar me kreun e PD-së Lulzim Basha.

Temë e takimit të nisur rreth 10:30 mësohet se është reforma zgjedhore dhe ajo në drejtësi.

Gjatë ditëve të fundit ka patur diskutime mes partive politike sa i takon votimit dhe numërimit elektronik të votave.

Ky takim i kreut të opozitës me dy ambasadorët e SHBA dhe OSBE vjen pas një situatë të trazuar politike në vend, pasi një ditë më parë kryeministri Rama shkarkoi nga detyra ministrin e Drejtësisë, Ylli Manjani.