Ambasadori i BE-së: Mbështesim institucionet e reja të drejtësisë, çelësi për çrrënjosjen e korrupsionit

Ambasadori i Bashkimit Europian në Tiranë, Silvio Gonzato ka shprehur mbështetjen për institucionet drejtësisë. Ai shkruan në një postim në rrjete sociale, se puna e tyre është çelësi për të çrrënjosur korrupsionin nga vendi.

“Ne mbështesim plotësisht institucionet e reja të drejtësisë dhe reformën në drejtësi të vitit 2016, e cila u mundësoi atyre të japin drejtësi për qytetarët.

Puna e tyre është çelësi për çrrënjosjen e korrupsionit nga Shqipëria. Në komitetin drejtues të projektit EU4Justice, theksova se integrimi në BE varet shumë nga kontributi i tyre.

Dhënia në kohë, efektive dhe transparente e drejtësisë është çelësi për rikthimin e besimit të qytetarëve tek institucionet. BE do të qëndrojë në krah të Shqipërisë në arritjen e këtij objektivi”, shkruhet në postim.