Ambasadori i ri i BE-së takon Altin Dumanin: Mbështetje e plotë për një SPAK të pavarur dhe efikas

Ambasadori i ri i BE-së në Tiranë, Silvio Gonzato zhvilloi këtë të premte një takim me kreun e SPAK, Altin Dumani.

Përmes një postimi në rrjete sociale Gonzato shkruan se “rezultatet në luftën kundër korrupsionit dhe krimit të organizuar janë thelbësore për rrugën e Shqipërisë drejt anëtarësimit në BE”.

“Sot pata takimin tim të parë me Kryeprokurorin e Prokurorisë së Posaçme, Altin Dumani. E falenderova për angazhimin e tij dhe e sigurova për mbështetjen e plotë të BE-së për një SPAK të pavarur dhe efikas”, shton më tej në reagim ambasadori i BE-së.