Ambasadori suedez: Biznesmenët tanë duan të investojnë në Shqipëri, por kërkojnë shtet ligjor

“Mendoj se procesi drejt anëtarësimit në Bashkimin Europian është një proces i mbushur me reforma dhe me reforma shume të vështira. Ne tashmë jemi 28 vende në BE dhe të gjitha këto vende kanë kaluar në procese të tilla. Nuk është e lehtë, por është me rëndësi që të mos humbasim kohë në këtë proces. Ne dëshirojmë të shikojmë reformën në drejtësi që të zbatohet sepse është e rëndësishme së pari për qytetarët Shqiptarë dhe është shumë e rëndësishme për investitorët që duan të vijnë në Shqipëri. Është me rëndësi për integrimin në Bashkimin Europian, por kryesisht për qytetarët shqiptarë dhe investitorët sepse për një investitor, shteti ligjor është jetik”.

Duke u ndalur te pjesa e investimeve të huaja, ambasadori Ndisi thekson se gjeografikisht, Shqipëria është një vend shumë interesant për Suedinë. “Ekonomia Suedeze është një ekonomi globale dhe ne jemi mësuar që të investojmë në çdo cep të botës, që të bëjmë tregti në të gjithë botën. Do të doja të shihja më shumë tregti mes dy vendeve dhe më shumë investitorë Suedezë në Shqipëri, por kur flas me drejtuesit e bizneseve suedeze, aspekti kryesor që ata theksojnë është shteti ligjor. Për këtë arsye duhet të ecët përpara me reformën në drejtësi sepse bizneset i shikojnë mundësitë, por i frikësohen rrezikut. Pra nëse ulni rreziqet, gjërat do të ecin me shpejtësi këtu”,- deklaroi ambasadori suedez për televizionin News 24.