Ambasadorja Kim: Mjekët, heronj që po udhëheqin luftën kundër COVID-19

Ambasadorja e Shteteve të Bashkuara të Amerikës, Yuri Kim, ka shpërndarë një mesazh falënderues për të gjitha stafet mjekësore në Shqipëri, dhe mbarë botën, të cilët po përballen me luftën kundër koronavirusit.

Mesazhi vjen në Ditën Botërore të Shëndetësisë, ku ambasadorja Kim shkruan në “Twitter” se sot më shumë se kurrë ju jemi mirënjohës atyre që na mbajnë të shëndetshëm.

“Në Ditën Botërore të Shëndetësisë ne jemi më mirënjohës se kurrë për ata që na mbajnë të shëndetëshëm. Faleminderit për çdo mjek, infermier, Teknik laboratori dhe të gjithë heronjtë e shëndetit në Shqipëri dhe në mbarë botën, që udhëheqin luftën kundër COVID-19. Ne jemi shumë mirënjohës për punën tuaj të vështirë, ekspertizën dhe guximin”.