Arqipeshkv i ri i Tiranës dhe Durrësit, Arjan Dodaj ka një mesazh për politikën

Arqipeshkv i ri i Tiranës dhe Durrësit, Arjan Dodaj ka zbuluar sesi ai ka mësuar lajmin nga Papa Françesku para 10 ditësh, por edhe pse zgjodhi që të bëhej publike sot, kjo për një arsye të veçantë.

“Kam disa ditë që e kam marrë vesh, dikur te 10 ditë, Ati i Shenjtë më ka pyetur se kur doja që të ishte publike dhe unë zgjidhja sot, festën e Shën Andreas”, tha ai në fjalimin e parë pas marrjes së detyrës.

Ai ka edhe një mesazh për politikën shqiptare. “Ne të gjithë mund të bëjmë më mirë, politika shqiptare të dëgjojë pak më shpesh zërin e ndërgjegjes, nuk do dimë më të ndalim vetëm në rrethin e mirësisë sonë, kur kemi dikë që kërkon ndihmë”.