Arrestimi i Ahmetajt, Jorida Tabaku jashtë Kuvendit: Opozita i qëndroi kauzës!

Deputetja e Partisë Demokratike, Jorida Tabaku, ka folur jashtë Kuvendit, pas miratimit të kërkesës së SPAK për arrestimin e ish-zv.kryeministrit Arben Ahmetaj.

Tabaku u shpreh pas përfundimit të seancës, se e ka lexuar të gjithë dosjen e prokurorisë dhe mund të thotë me siguri se nuk ka asnjë emër nga opozita brenda saj.

“Sot ky është lajmi dhe opozita i qëndroi në këmbë për 6 vite duke e denoncuar këtë aferë”,- u shpreh Tabaku ndër të tjera.

Tabaku: “Unë besoj që kjo ka qenë një kauzë e drejtë e PD dhe opozitës duke arritur që sot të çojë para drejtësisë tre ministra të kësaj qeverie.

Besoj se duhet t’i japim mbështetje maksimale SPAK. Sot u mbyll një kapitull dhe urojmë të hapet një kapitull i ri.

Unë nuk kam lexuar asnjë emër nga opozita të përfshirë në atë dosje. Nuk ka asnjë emër nga opozita.