ARRSH thirrje drejtuesve të mjeteve: Bëni kujdes në lëvizje dhe pajisuni me zinxhirë e goma dimërore

Shqipëria prej ditësh është mbërthyer nga temperatura ekstremisht të ulëta, ku në disa zona sot shënohet edhe -17 Gradë Celsius. Nisur nga ngricat dhe bora që ka mbuluar një pjesë të vendit, thirrjet për kujdes vijnë nga autoritet në vend.

Sipas ARRSH kontraktorët kanë punuar gjatë natës me mjete borëpastruese për shpërndarjen e kripës në të gjitha akset nacionale për të evituar ngricat, pasi temperaturat kanë qenë nën 0°C.

Ndaj dhe ARRSH u bën thirrje drejtuesve të mjeteve që të bëjnë kujdes në lëvizje si dhe të pajisen me zinxhirë dhe goma dimërore.