Balla reagon pas arrestimit të 6 të rinjve: Ekspozimi i armëve në rrjete sociale kërkon angazhim maksimal të Policisë

Ministri i Brendshëm, Taulant Balla ka reaguar pas arrestimit të 6 të rinjve të cilët kryenin qitje me kallashnikov, që e kishin pa leje dhe videot i postonin në rrjetin social TikTok.

“Armëmbajtja pa leje nga të rinjtë, ekspozimi i armëve në rrjete sociale, kërkojnë angazhim maksimal të Policisë së Shtetit, për evidentimin dhe goditjen e tyre. Përgëzime Policisë së Shtetit 📍Durrës, e cila përmes monitorimit të rrjeteve sociale ka identifikuar shtatë persona në moshë të re si posedues armësh zjarri”, shkruan Balla në Facebook.