Balluku thirrje qytetarëve: Mos paguani asnjë zyrë avokatie apo noterie për shërbimet e e-Albania, ata do të penalizohen

Ofrimi i shërbimit të e-Albania me pagesë në zyra jo ligjore, për zv/kryeministren dhe ministren Belinda Balluku është në shkelje.

Ajo ka një thirrje për të gjithë qytetarët, ku shprehet se ”Mos paguani asnjë zyrë avokatie apo noterie për shërbimet e e-Albania, ata po shkelin ligjin dhe do penalizohen”. Sakaq, në një vizitë në Fier, Balluku u ndal në shërbimin e Zyrës me një Ndalesë.

‘‘Fier, për të promovuar shërbimin e Zyrës me një Ndalesë, aty ku të gjithë qytetarët, sidomos të moshuarit, mund të asistohen për shërbimet e e-Albania pa pagesë. Mos paguani asnjë zyrë avokatie apo noterie për shërbimet e e-Albania, ata po shkelin ligjin dhe do të penalizohen. Gjithashtu, së bashku me Armando Subashi inspektuam hapësirat publike që duhen çliruar, ashtu siç po ndodh në të gjithë vendin”,-shkruan Balluku.