Bardhi: Edhe dy ministra do të përfundojnë në burg pas Ahmetajt

Kreu i grupit parlamentar të PD-së, Gazment Bardhi thotë se edhe dy ministra do të përfundojnë në burg pas Arben Ahmetajt.

Deklarata vjen pas ardhjes së dosjes të SPAK-ut në Kuvend për çështjen e incerenatorëve.

”Dy ministra të Ramës do të arrestohen pas Ahmetajt. Në dosjen e ardhur në Kuvend për Ahmetajn, ka dhe zyrtarë të tjerë të lartë.

Ne nuk kemi asnjë mjet për t’i ushtruar presion drejtësisë. Kam mbështetur në mënyrë të plotë prokurorët e SPAK. Hetimi për Ahmetajn ishte një hetim i thelluar”,-tha në ”Euronews Albania”.