Basha i përgjigjet fraksionit kundër tij në PD: Një grup njerëzish fanatik duan ta djegin PD-në

Kryetari i Partisë Demokratike, Lulzim Basha teksa ka treguar detaje nga mbledhja e sotme me Grupin Parlamentar të të djathtëve, u është kundërpërgjigjur zërave kritikë brenda selisë blu.

Në një deklaratë për mediat, lideri i opozitës pohoi se ka një grup njerëzit fanatik brenda Partisë Demokratike që sipas tij duan ta djegin partinë.

“Ka tre grupe njerëzit; shoh një grup njerëzit fanatik që duan ta djegin PD, një grup që shkojnë në shtëpi pa lekë, pa asnjë shpresë dhe një pjesë të dëshpëruarish që janë të larguarit nga Shqipëria”, tha Basha.

Mes zërave kritike që prej kohësh kanë shprehur qëndrimin kundër linjës drejtuese të Bashës, janë deputetja Jozefina Topalli, Majlinda Bregu, si dhe Eduard Selami, të cilët u shprehën kundër bojkotit të zgjedhjeve, ndërsa kritikuan hapur Bashën për rrugën ku po e çon partinë.