Basha mesazh ngushëllimi për ndarjen nga jeta të Marko Bellos: Do të kujtohet si një qytetar dhe politikan i principtë

Kreu i Partisë Demokratike, Lulzim Basha, ka reaguar për ndarjen nga jeta të ish-deputetit të PS-së dhe diplomatit Marko Bello.

Në një mesazh ngushëllimi drejtuar familjes, miqve dhe kolegëve, Basha e cilëson ish-deputetin e PS një qytetar dhe politikan i principtë dhe të moderuar, i prirë drejt bashkëpunimit për hir të interesave të vendit.

Mesazhi i plotë i Bashës

Mësova me hidhërim për ndarjen nga jeta të ish-ministrit dhe ish-deputetit Marko Bello. I shpreh ngushëllimet e mia familjes Bello për humbjen e babait dhe bashkëshortit të përkushtuar, dhe të gjithë miqve dhe kolegëve që humbën të afërmin dhe mikun e tyre të dashur. Marko Bello do të kujtohet si një qytetar dhe politikan i principtë dhe i moderuar, i prirur drejt bashkëpunimit për hir të interesave të vendit. U prehtë në paqe!