Basha në Itali për një takim me Presidentin e Parlamentit Europian, Antonio Tajani.

Të gjithëve u bëri përshtypje një ditë më parë pse kreu i PD-së nuk mbajti fjalën e tij të përditshme në orën 11:00 në “çadrën e lirisë”, por vetëm në orën 18:00. Kjo për shkak se Basha ka pasur një vizitë ‘flash’ në Romë, ku është takuar me kreun e Parlamentit Europian.

Kryedemokrati Lulzim Basha ishte në Itali për një takim me Presidentin e Parlamentit Europian, Antonio Tajani.

Kryetari i PD-së e ka vënë në dijeni Tajanin për situatën politike në vend dhe kërkesën e patjetërsueshme të opozitës për qeveri teknike në kushtet ku sipas tij, qeveria e kryesuar nuk garanton zgjedhje te lira e të ndershme për shkak të parave të drogës që janë në shërbim të tij nga krimi.

Ky takim vjen vetëm pak ditë nga data 24 prill kur është lajmëruar ardhja e Macalister.

David McAllister është zv/Presidenti i Partisë Popullore Europiane dhe kreu i komitetit për Politikën e Jashtme në Parlamentin Europian, është një nga njerëzit e besuar të grupimit më të madh politik të të djathtës europiane dhe i kancelares gjermane Angela Merkel, por njëkohësisht edhe një i njohur i kryetarit demokrat Lulzim Basha.(Syri)