Basha nuk tërhiqet

Sot u mbushën 74 ditë nga nisja e protestës së opozitës para kryeministrisë.

Gjatë fjalës së tij kryetari i PD-së Lulzim Basha tha se shqiptarë, por edhe të huaj po i ofrojnë pazare për stabilitet, por duke hedhur në “erë” demokracinë.

“Kush më kërkon mua shqiptar apo i huaj pazare me Edi Ramën për hir të stabilitetit, por jo demokraci duhet ta kuptojë se ajo që ka lindur më 18 shkurt është më e madhe se PD-ja e Bashës.

Nuk tërhiqemi nga kauza për zgjedhje të lira.  O do kthejmë parlamentin e vërtetë ose do të vazhdojmë betejën për votën e lirë deri në fitore. Do ta fitojmë me çdo kusht e çdo çmim”, tha Basha.