Basha: Qeveria “Rama”, 7 vite vetëm dështime

Kreu i Partisë Demokratike, Lulzim Basha me anë të një mesazhi në Twitter i ka dhënë përgjigje deklaratave të sotme të Edi Ramës në parlament.

Basha shkruan se pas 7 vitesh dështime dhe shkatërrim të ekonomisë e shëndetësisë, shumëkush mund të mendoje se nuk mund të ketë ndonjë ndryshim.
Por kreu i PD-së shkruan se ndryshimin do ta ‘bëjmë realitet bashkë’.

Mesazhi i plotë i Lulzim Bashës: “Përfytyroni një qeveri që punon për njerëzit, që jep ndihmë financiare për çdo familje.

Një qeveri që ka një plan kundër pandemisë, që investon tek shëndetësia. Pas 7 vitesh plot dështime, ku Rama vetëm e shkatërroi ekonominë dhe shëndetësinë, shumëkush priret të mendojë se nuk mund të jetë ndryshe.
Por e vërteta është se mund dhe do të jetë ndryshe – bashkë ne do ta bëjmë realitet!”,- shkruan Basha.