Basha: Rama do prishë zgjedhjet. Të ngrihemi për votën e lirë

Kreu i Partisë Demokratike, Lulzim Basha, ka folur për mediat në fund të mbledhjes së grupit parlamentar.

Basha deklaroi se kryeministri Edi Rama nuk do votim elektronik, ndaj do prishë zgjedhjet e 18 qershorit. Ndërsa iu ka bërë thirrje të gjithëve të ngrihen për votën.

“Zgjedhjet në Shqipëri janë të lidhura me krimin. S’ka në thelb asgjë të re nga zhvillimet e fundit. Rama do të prishë zgjedhjet, ndaj s’ka votim elektronik. Të ngrihemi për votën e lirë, po mendojmë opsionet. Qeveria po luan me kohën”, tha Basha.