Basha sfidon Ramën: Nëse nuk ke asgjë për të fshehur, prano hetim për numrin e viktimave

Kryetari i Partisë Demokratike, Lulzim Basha në një deklaratë për mediat akuzoi kryeministrin Edi Rama për papërgjegjshmëri në menaxhimin e pandemisë së koronavirusit. Basha u shpreh se  Rama ka gënjyer për numrin e viktimave.

“Mashtrimi me shifrat e vdekjeve është përgjegjësi e Edi Ramës dhe jo e mjekëve”, – tha Basha.

Kreu i PD-së deklaroi se nëse Edi Rama nuk ka asgjë për të fshehur lidhur me menaxhimin e pandemisë dhe numrin e viktimave le të pranojë hetimin e prokurorisë.