Basha: Rama i dështuar, nxinte sot në Kavajë. Detyrimi i nxënësve, fakt se me të s’ka zgjedhje të lira e të ndershme

Kreu i Partisë Demokratike, Lulzim Basha tha nga çadra e opozitës se kryeministri Edi Rama preku fundin e tij politik në takimin elektoral të Kavajës.

Reagimi vjen ndërkohë që pak më herët, Rama zhvilloi një takim në këtë qytet ku më 7 maj pritet të zhvillohen zgjedhjet lokale.

“Sot, Edi Rama është rikthyer me fjalë më akte, me gjeste aty ku shqipëria ishte 27 vite më parë.

Është kthyer në shëmbëlltyrën e shëmtuar të diktaturës komunsite.

Sot është një ditë e dëshpëruar për Edi Ramën, i cili e provoi këtë para njerezve të Kavajës, para nxënësve, mësuesve, prindërve.

U rdhëroi si askush në 27 vite, mobilizimin me forcë të nxënësve, mësuesve duke I kërcënuar dhe detyruar për të marrë pjesë në takimin me të.

Nxinte sot Kavaja, por më shumë nxinte Rama sot në Kavajë, i cili preku fundin e tij që mbolli për 4 vite në kavajë dhe në gjithë Shqipëerinë.

Provat, fakte, video të atyre  të urdhëruar për rtë pritur kryeministrin e dështuar janë fakte të shtuara në dosjen që e di gjithë bota, se me Edi Ramën nuk mund të ketë kurrë zgjedhje të lira dhe të ndershme”- tha Basha.