Basha reagon ashpër për ndryshimet kushtetuese: Fundi i Edi Ramës është afër

Kryetari i Partisë Demokratike Lulzim Basha ka reaguar ne emër të opozitës së bashkuar për votimin e njëanshëm të ndryshimeve kushtetuese nga PS.

Në një deklaratë për mediat, Basha tha se akti i sotëm është shkelmim i interesave të qytetarëve dhe të demokracisë së vendit.

“Sot, Kuvendi gjysmak i Shqipërisë tregoi sërish, se nuk udhëhiqet nga interesat e qytetarëve, por është vetëm një çirak i interesave politikë të Edi Ramës. Interesi i qytetarëve sot u shkel me këmbë nga kryeministri në ikje dhe vartësit e tij. Qytetarëve nuk po u jepen lista të hapura. Listat janë të hapura vetëm nga fundi i tyre, sepse Edi Rama refuzoi propozimin tonë për të hapur listat 100% dhe për të mos prekur koalicionet.  Sot në kuvendin gjysmak, Edi Rama dhe vartësit e tij shkelën me këmbë ligjet, shkelën Kushtetutën. Ata shkelën me këmbë historinë tonë. Ata shkelën me këmbë konsensusin, të cilin u detyruan ta firmosin”,- tha Basha.

Kreu i PD-së shtoi se asnjë herë më parë, në historinë 30-vjeçare të pluralizmit, Kushtetuta nuk është ndryshuar në mënyrë të njëanshme dhe pa konsensusin e opozitës. “Kurrë më parë në këto 30 vjet, rregullat për procesin zgjedhor nuk janë vendosur vetëm nga partia në pushtet. Ato kanë qenë një produkt konsensual, pavarësisht situatave të rënda politike që kemi kaluar në 3 dekada.  Kurrë më parë në 30 vjet, një kryeministër nuk ka vënë në mënyrë kaq brutale, interesin e vet personal, mbi interesat e të gjithë shqiptarëve”,- tha kreu i PD-së.

Kreu i PD-së shtoi se “Rama kërkon të marrë peng Shqipërinë për të shpëtuar veten. Rama kërkon të marrë peng të ardhmen europiane të shqiptarëve për të ruajtur karriken e tij. Sepse siç ka bërë deri më sot, Shqipëria i është dashur Ramës vetëm për interesat e tij personale. Nuk do t’ia dalë!”.

Lexoni edhe…

• BE reagon për ndryshimin e njëanshëm të kushtetues
• Nikoll Lesi: Sot, më 30 korrik 2020, Edi Rama ka shansin e jetës!
• Rama sulmon ndërkombëtarët dhe ambasadoren e SHBA: Nuk pyesim më njeri
• Opozita e Bashkuar reagon para seancës: Qëndroji marrëveshjes së nënshkruar
• Suzana Topi: Rama po e çon vendin në konflikt civil. Kuvendi duhet shpërndarë
• Skandali për ndryshimet Kushtetuese. Një deputete votoi 5 herë
• Akuzat në Kuvend: “Rama sot bëhet si Putini!”
• Palmer: 5 qershori pasqyron bashkëpunimin e ngushtë mes Shqipërisë e SHBA
• Manjani: Dialogu u minua nga “tritoli politik” Rama