Basha takohet me Presidentin e ri të PE: Mbështetje për Shqipërinë

Kreu i PD, Lulëzim Basha, mori pjesë në Asamblenë Politike të EPP-së në Bruksel. Gjatë kësaj konference ai është takuar dhe me kreun e ri të PE, Antonio Tajani. “Në Asamblenë Politike të EPP-së në Bruksel mirëpritëm dhe përgëzuam Presidentin e ri të Parlamentit Europian Antonio Tajani, i cili u zgjodh me propozim të grupit të EPP-së në Parlamentit Europian.

Presidenti Tajani i ka dhënë një ndihmë të madhe Shqipërisë si Zëvendës President dhe Komisioner i Komisionit Europian. Ai më shprehu përkushtimin e tij për ta mbështetur Shqipërinë edhe nga kjo detyrë e re.”,- shkruan Basha në Facebook.​