Basha tregon mediat ‘fake news’: Top-Channel, BalkanWeb dhe Panorama Online

Kryetari i Partisë Demokratike Lulzim Basha, nga Çadra e Lirisë, ka shpallur konkursin e mediave të rreme (Fake News).

Për këtë javë, Basha tha se mediat fake news janë Top-Channel, BalkanWeb dhe Panorama online.

“Sot mediat konvencionale janë tërësisht nën presionin e pushtetit. Nga sot ne nisim konkursin e Fake News për javën që mbyllim. Këtë javë kemi dy kampionë për fat të keq: Top-Channel, BalkanWeb dhe Panorama Online. Top-Channel për interpretimin allasojçe të deklaratës sime. Rama dje tha se Vetigun e shtyn pas zgjedhjeve kurse unë thashë se ai do të bëhet menjëherë pas qeverisjes zgjedhore dhe sipas konensusit të 22 korrikut të kaluar. Fake News, Top-Channel e dha lajmin e parë sikur Basha tha Vetingu pas zgjedhjeve, kurse unë e thashë pas qeverisë zgjedhjeve. Edhe BalkanWeb dhe Panorama bashkë me të lidhur me deklaratën e DASH. Harroje Edi Rama se mund të bësh zgjedhje pa opozitën. Kjo kërkesë e arsyeshme e standardit të demokracisë më të madhe në botë e merr BalkanWeb me porosi dhe e kthen me porosi për opozitën. Fake News Balkan Web: Lajme falco, turp të keni! Që nga sot, do t’i strukturojmë pak më mirë po këto të dyja nuk kishin si të mos meritonin vendin e parë”, u shpreh Lulzim Basha.

Lulzim Basha sulmon Ramën dhe ata që ai i quan “mercenarë të paguar nga Sorosi” se do të kapë drejtësinë.

“Vetting menjëherë pas qeverisë teknike sipas konsensusit të 22 korrikut dhe nuk ka nevojë ta kushtëzojmë”