Basha vizitë në familjen që kaloi COVID-in: Po hartojmë një plan për mbështetje financiare për familjet e prekura

Kreu i opozitës, Lulzim Basha, ka vizituar një familje në Tiranë, që kanë kaluar COVID-in, ku ka premtuar hartimin e një plani që ofron mbështetjen financiare për të gjitha familjet e prekura nga koronavirusi.

Dy të moshuarit që janë infektuar me koronavirus, u shprehën se e kanë kaluar në shtëpinë e tyre dhe të gjitha shpenzimet i kanë mbuluar vet.

Çifti i të moshuarve thanë se jetonin të vetëm pasi fëmijët i kishin në emigracion, ndërsa demokrat premtoi që brenda mandatit të ardhshëm do mundësohet që emigrantët të kenë të drejtën e votimit.