‘Bëji një nder Shqipërisë, vetëvritu’, Rama komentuesit: Të uroj jetë sa më të gjatë

Teksa ai njoftonte për intervistë televizive sot në media, ku në foks do jenë zgjedhjet e 18 qershorit, kreu i qeverisë nuk ka nguruar t’u kthejë përgjigje qytetarëve. Mes komenteve spikat ai i një qytetari, i cili i kërkon Ramës një nder: “Edi Ramaaaaaa bëji nji nder Shqiperise, vetëvritu!!!”.

E menjëhershme ka qenë dhe përgjigjja e kryeministrit, ku i shpjegon se këtë veprim ekstrem e bëjnë ultrasit dhe se ai nuk ishte i tillë. “Kështu që të uroj jetë sa më të gjatë”- thekson Rama në përgjigjen e tij.

Ndërkohë, një tjetër komentues i kërkon Ramës që ta bëjë Shqipërinë si Gjermania, ndërsa kryeministri i kthen përgjigje tërë humor.