Ben Blushi: Kryeministri që vret bletët

Kreu i LIBRA, Ben Blushi ka denoncuar mbjelljen masive të hashashit në vend. Në një postim në Facebook, Blushi sjell në vëmendje faktin se rritësit e bletëve ankohen për shkatërrim të biznesit nga hashashi.

“Edi Rama do mbahet mend për shumë dëme që i ka bërë këtij vendi por një prej tyre është zhdukja e bletëve. Nga mbiprodhimi dhe kultivimi masiv i kanabisit mësohet se afro 40 për qind e koshereve të vendit nuk i kanë rezistuar dot dehjes nga kullotat e hashashit dhe janë shfarosur. Nga 360 mijë koshere bletësh që kishim vjet këte vit kemi 140 mijë më pak. Dëmi i llogaritur për bletërritësit shkon deri ne 60 milionë euro. A duhen më shumë arsye për ta hequr një Kryeministër që vret bletët?”,- shkruan Blushi në Facebook.