Berisha: Dorëheqjen e Haxhinastos, Rama kërkon të lajë duart nga dështimi i tij

Ish-kryeministri Sali Berisha ka komentuar largimin e Haxhinastos duke thënë se ky është një dështim i kryeministrit Rama.

Sipas Berishës, Rama ka dështuar totalisht me rrugët.

“Rama kërkon të lajë duart si Pilati në dështimin e tij total në atë që është dhe promotori i zhvillimit të një vendi, ndërtimi i infrastukturës. Pasi ka shpenzuar mbi 2 miliardë dollarë për investime, s’është në gjendje t’u tregojë shqiptarëve qoftë 1 km rrugë të ndërtuar në 3 vjet.

I rikujtoj shqiptaërve se me 2.1 mld dollarë janë ndërtuar gjatë viteve të mëparshme Rruga e Kombit, autostrada Ibë-Elbasan dhe tuneli i Krrabës, segmenti Lushnje-Fier dhe Levan- Vlorë, dhe autostrada Levan- Tepelenë, përfshi këtu rrugën e Bregut.

Rama s’mbulon dot vjedhjen e tmerrshme që ka bërë, se ku shkuan 2.1 miliardë USD investime? …Rama do largohet si çeço dhe me një këmbë”, tha Berisha