Berisha në arrest shtëpie, reagon kryeministri Rama

Në konferencën e fundvitit, kryeministri Edi Rama u pyet nga gazetarët lidhur me vendimin e GJKKO-së që la Sali Berishën në arrest shtëpie.

“Kurrë nuk është fitore e një partie arrestimi i dikujt të cilës do parti, kurrë! Ky është në parim. Partitë fitojnë zgjedhje për të çuar përpara vendin dhe partitë nuk janë organizata luftarake, që funksionojnë për të eliminuar kundërshtarët në një mënyrë ose tjetër.

Kështu, që nuk e shoh absolutisht si fitore të PS apo dhe si një fitore të Erionit dhe Taulantit, të cilët kanë bërë me këmbëngulje detyrën e tyre, siç e kanë parë të arsyeshme, Kjo është diçka që nuk ka lidhje fare me dëshirën, objektivin, nevojë, për të parë si fitore”, tha Rama.