Berisha në Kuvend: Marrëveshja për portin e Durrësit, plaçkitja më e madhe që i ka ndodhur këtij vendi

Kryetari i Partisë Demokratike, Sali Berisha, ka folur sot në Kuvend për marrëveshjen për ndërtimin e portit të ri të Durrësit.

“Të dashur qytetarë që ndiqni këtë seancë, deputetë dhe deputete, zonja kryetare, sot këtu diskutohet për plaçkitjen më të madhe në historinë kombëtare të një prone publike, nga një grup i kryesuar nga Edi Rama, i cili kërkon të shndërrojë në pronë dhe pasuri personale, pronën publike më të çmuar që kanë sot shqiptarët, portin e Durrësit. Me këtë megaaferë kërkohet t’u shkurtohet fjala deputetëve”, tha Berisha.