Kreu i PD-së Sali Berisha paralajmëron kryeministrin Edi Rama se do të përballet me revolta nëse luan me çmimin e energjisë elektrike.
Në një konferencë për mediat, Berisha tha:
“Nëse guxon të rrisë çmimin e energjisë për konsumatorin, do përballet me revoltë. Të përgatitemi me të gjitha mundësitë tona ndaj këtij njeriu që është i aftë të bëjë gjithçka kundër jush vetëm për të pasuruar veten, familjarët e tij, rrethin e tij të nomenklaturës së PS-së. Edi Rama mos luaj me çmimin e energjisë, përndryshe PD, Fronti për Shpëtimin e Shqipërisë do organizojë një nga revoltat më të fuqishme që ka parë ky vend. Nuk mundet të vazhdohet. Po kalohet çdo lloj limit. Edhe tani po zbrazin digat”.
