Ish-kryeministri Sali Berisha ka sulmuar ashpër kryeministrin Edi Rama, duke përdorur dhe një gjuhë jo fort të përshtatshme për një politikan.
Berisha akuzoi Ramën se shpenzon 15 mijë euro në orë me paratë e shqiptarëve, ndërsa fluturon me avion në dispozicion.
“Kjo qeveri nuk njeh kufi në shpenzimet, luks, vila, udhëtime dhe orgji. Ministra që ulen e porosisin 1 mijë dollarë biftekun me paratë tuaja. Kreu i Meduzës me paratë tuaja shpenzon 15 mijë euro në orë, fluturim me avion në dispozicion. Ministre tjetër që fluturon 15 herë Tiranë-Dibër për takime partiake me helikopter. Njerëz të pashpirt, që nuk duan t’ia dinë as për ju, as për fëmijët tuaj, as për të ardhmen”, tha Berisha nga Rrogozhina.
