Braimllari: Mjaft me konflikte dhe llafe. Qytetarët duan punë dhe standarde

Kreu i LSI-së së Tiranës, Endrit Braimllari zhvilloi sot takime me banorë të kryeqytetit ku ka diskutuar për problemet që kanë të bëjnë me ekonominë dhe zhvillimin social të vendit.

Gjatë diskutimeve, banorët kanë shprehur shqetësimin për rritjen e kostos së jetesës dhe pamundësisë së përballimit të shpenzimeve me pagat aktuale.

Kreu i LSI-së, Tiranë u shpreh se politika ekonomike të LSI-së kanë si qëllim kryesor fuqizimin e shtesës së mesme, menaxhimin e duhur të taksave dhe rritjes së pagave për sektorët ku këto vite nuk ka pasur rritje.

“Qytetarët kanë nevojë për paga më të larta për të përballuar koston e jetesës. Ndër vite është rritur kosto e jetesës por në përpjesëtim të zhdrejtë është niveli i pagave. Banorët e Tiranës vuajnë shtrenjtimin e kostove të përditshme. Duhet garantuar më shumë!”,- u shpreh Braimllari.

Kreu i LSI-së Tiranë shtoi se për të arritur këto duhet që klasa politike të jetë bashkëpunuese dhe të mos shoh interesat partiake të ditës. Ai u shpreh se vendi ka nevojë për sjellje të përgjegjshme dhe jo për kriza të stisuta që frenojnë investimet dhe zhvillimin ekonomik.