Brenda një dite, Arabia Saudite ekzekuton 81 të dënuar

Autoritetet në Arabinë Saudite kanë ekzekutuan brenda një dite 81 persona të dënuar për krime të ndryshme. Grupi ku përfshihen 7 jemenas dhe një shtetas sirian, ishin dënuar për krime të rënda, duke përfshirë terrorizmin.

Disa prej tyre i përkisnin grupit të Shtetit Islamik, al-Kaedës ose rebelëve Houthi në Jemen.

Organizatat e të drejtave që kanë dalë në protestë, thonë se shumë prej tyre nuk kishin marrë gjykime të drejta, një pretendim që qeveria e Arabisë Saudite e kundërshton.

Arabia Saudite ka një nga nivelet më të larta të ekzekutimit në botë, e pesta në listën e përpiluar nga Amnesty International, kurse katër të tjerat janë Kina, Irani, Egjipti dhe Iraku.