Bundestagu jo negociatave, Basha: Lajm i keq, të realizojmë reformat

Lajm të keq për të gjithë shqiptarët e ka cilësuar kreu i Partisë Demokratike qëndrimin e Bundestagut gjerman kundër hapjes së negociatave të Shqipërisë me BE.

“Qëndrimi i Bundestagut gjerman kundër hapjes së negociatave me Shqipërinë është një lajm i keq për të gjithë ne. Lajmi i mirë është se Gjermania mbështet anëtarësimin e Shqipërisë në BE, sikurse u ripohua sot”.

Në një postim në fb, Basha thotë se “tani është koha të punojmë për të realizuar reformat e nevojshme dhe marrë vendimet e duhura që u shërbejnë shqiptarëve dhe jo për t’u hedhur hi syve qytetarëve dhe partnerëve tanë”.

 “Sot është koha për reflektim. Është koha që të gjjthë ne që duam ndryshimin e vërtetë të bëhemi bashkë për të luftuar korrupsionin, krimin, drogën dhe për të garantuar zgjedhje të lira dhe të ndershme”përfundon Basha në reagimin e tij.

Grupi i CDU/ CSU në Bundestagun gjerman do të votojnë kundër çeljes së negociatave  mes Shqipërisë e BE-së.

Këtë e bëri me dije deputeti i Bundestagut Krichbaum, duke deklaruar se  Shqipëria nuk i ka plotësuar 5 prioritetet.