Burgosja e Belerit, ministri Hasani i përgjigjet Greqisë: Respektojmë vendimet e gjykatave

Burgosja e Fredi Belerit është edhe një sinjal pro qeverisë Rama, e cila nuk ka pranuar që të dorëzohet përpara presioneve dhe kërcënimeve nga Greqia zyrtare, duke mos lejuar që të cënohet politika e jashtme e Shqipërisë. Me burgosjen e Belerit, a rrezikon vendi që të ketë një çmim të kripur në hakmarrjen greke?

Ministri për Evropën dhe Punët e Jashtme, Igli Hasani thotë se qëndrimet e Greqisë për sa i takon çështjes së dënimit nga GJKKO-së të Fredi Belerit me 2 vite burg, Hasani u shpreh se qeveria shqiptare respekton vendimet e gjykatave.

”Shqipëria do të vazhdojë të respektojë maksimalisht vendimet e gjykatave. Do të vazhdojë të mbështes punën për reformën në drejtësi dhe do të vazhdojë të kryej të gjitha detyrat që ka në ngarkim për integrimin në BE. Çdo koment tjetër është i panevojshëm”, nënvizoi Hasani.