CDU e Merkelit: Të përmbushen kriteret për gjyqësorin, krimin e organizuar dhe trafikun e drogës

Lidhur me deklaratën e ministrave të jashtëm të BE-së për negociatat me Shqipërinë ka reaguar  edhe grupimi më i madh politik në Gjermani CDU-CSU.

Në deklaratën e tij grupimi politik që drejtohet nga kancelarja gjermane Angela Merkel, shprehet se Gjermania ka theksuar në mënyrë të përsëritur se Shqipëria duhet të përmbushë të gjitha kriteret për anëtarësim.

CDU-CSU  ka përcaktuar një listë me priroritete të qarta. Kërkesa kryesore sipas tyre lidhet me zbatimin e plotë të reformës në drejtësi të miratuar tashmë.

800 gjyqtarë dhe prokurorë duhet  t’i nënshtrohen një procedure verifkimi.

Shqetësim për grupin paramentar CDU-CSU është një përparim i ngadalshëm në drejtim të reformës në gjyqësor, luftën kundër krimit të organizuar, trafikut të drogës.

Para se BE  të hapë negociatat me Shqipërinë prodhimi i drogës dhe trafikut të saj duhet të frenohet në mënyrë të menjehershme.

“I rëndësishëm është sundimi i ligjit dhe funksionimi i mirë i parlamentit, qeverisë dhe administratës publike. Gjyqësori të jetë i pavarur nga ndikimet politike. Në listën e prioriteteve është reforma zgjedhore, depolitizimi i administratës, të drejtat e pronësisë dhe respektimi i te drejtave te njeriut” thuhet në deklaratën e djeshme të grupimit CDU-CSU në Gjermani.

Ministrat e Jashtëm të vendeve anëtare të Bashkimit Europian ranë sot dakort me rekomandimin e Komisionit Europian për hapjen e bisedimeve me Shqipërinë.