Çfarë po ndalon miratimin e draftit për votimin në kuvend?

Ajo që u pa si një konsensus sot pasdite por në darkë një deklaratë e Ambasadës së SHBA-së, ka sjellë shumë pikëpyetje mbi hapat e reformës. Lidhur me këtë, në mbledhjen e komisionit si maxhoranca dhe opozita janë kthyer në pikën zero pasi nuk po bien ende dakord për të mbyllur draftin e reformës në Drejtësi.

Ngërçi po lidhet me përbërjen e dy institucioneve të reja që do të krijohen, Këshilli i Lartë gjyqësor dhe Këshilli i Lartë i Prokurorisë.

Partia Demokratike ka kërkuar vendet e rezervuara në këto dy komisione, nëse nuk do të ketë konsensus. Ndërkohë, për socialistët përbërja e tyre duhet të votohet me 2/3 e votave. Kjo është çështja që ende nuk po bien dakord palët për të votuar draftin përfundimtar.