Darka e Krishtlindjes me krerët e besimit të krishterë, Veliaj: Tirana është një shembull suksesi sepse ne punojmë bashkë

Kryetari i Bashkisë së Tiranës, Erion Veliaj mblodhi sëbashku në një darkë festive, krerët e besimit të krishterë, të cilëve u uroi gëzuar festën dhe i falenderoi për mbështetjen që i kanë dhënë bashkisë ndër vite. ”Mbrëmë në darkën festive me krerët dhe përfaqësuesit e besimit katolik, orthodhoks dhe Vëllazërisë Ungjillore Shqiptare, për t’i uruar për festat dhe t’i falenderoja për mbështetjen që i kanë dhënë bashkisë ndër vite. Tirana është një shembull suksesi sepse ne punojmë bashkë dhe vetëm krijimi i urave të bashkëpunimit mes njëri-tjetrit e çon vendin përpara”,-shkruan Veliaj.