Deputetja e LSI: Ja sa kanë votuar deri tani për zgjedhjet

Deputetja e LSI, Silva Caka, ka dhënë rezultatet e deritanishme të votimeve për delegatët dhe kreun e kësaj force politike.

Ajo tha se kanë qenë vetëm dy incidente të vogla në qendrat e votimit, teksa ka ftuar anëtarët që të jenë pjesëmarrës në votim.

Sipas Cakës, votimi në qendrat e votimit ka kaluar mbi 50% të anëtarëve në çdo qendër. Kështu  në Berat pjesëmarrja në votim ka qenë 64.7%; në Durrës 52.3%; në Elbasan 56%; në Fier 61%, Gjirokastrës 62.1%, në Shkodër 58%; në Lezhë 66.5%;  në Tiranë 62% si dhe në Vlorë 51.0% .