Dialogu mes Tërmetit dhe komandantit të Surrelit, shembull i drejtimit rilindas

Edi Rama ka pasur këtë pasdite një takim online me disa nga kryebashkiakët e vendit ku do të lejohet më shumë lëvizja si në Pogradec, Dibër, Tepelenë, etj.

Mënyra e drejtimit të qeverisë dhe PS-së nga Edi Rama nuk ka lidhje me demokracinë, por me një sjellje autoritare. Tashmë vartësit dhe kushdo mendon ta ketë mirë me Udhëheqësin duhet patjetër ta përkedhelë e lajkatojë, Ramën. Ndryshe përfundon në gijotinë si Ditmir Bushati dhe Fatmir Xhafa, dy ish-ministrat me më integritet në PS. Të dy i sugjeronin ose e kundërshtonin kur jepte urdhëra jo ligjorë, por i palosi kryeministri.

Mjafton të shikojmë dialogun mes kryeministrit Rama dhe kryebashkiakut të Tepelenës, Tërmet Peçi.

Dialogu:

Rama: Tërmet, Kujdes se ti je më i lëvizuri. Kujdes aty në Tepelenë. Deri tani e keni mbajtur mirë, por nuk duhet të na turpëroni tani.

Peçi: Komandant urdhri juaj zbatohet, nuk diskutohet. Ku ka Tërmet, nuk ka korona. Tepelena është model.

Rama: Po. Po. E keni mbajtur mirë. Nuk duhet ta ulni vëmendjen.

Peçi: Po komandant. Patjetër.

Kjo metodë “urdhëro, siurdhëro komandant” apo “Komandant, urdhri juaj zbatohet, nuk diskutohet” mbetet moto pune për çdo ministër, kryebashkiak apo zyrtar të qeverisë.