“Dibra”, Vëzhguesit Vendorë: Prani e tepruar politikanësh

Të dielën, më 11 shtator, në Dibër do të mbahen zgjedhjet e pjeshme për kryetarin e Bashkisë.

Dy ditë para votimit, Koalicioni i Vëzhguesve Vendorë tha se ka angazhuar për monitorimin e këtij proçesi 88 vëzhgues.

Teksa bëri publike dhe problematikat e konstatuara përgjatë fushatës zgjedhore.

“KVV ka qenë i vëmendshëm gjatë kësaj periudhe, që kur ka filluar fshata në bashkinë e Dibrës. Po listoj një seri problematikash. Përpos afateve proceduriale të administrimit të procesit zgjedhor shqetësues është mosreferimi absolut ligjor për rregullimin dhe monotorimin e veprimtarisë financiare të sbjekteve zgjedhore gjatë fushatës zgjedhore për zgjedhjet e pjesshme. Edhe në këtë proçes zgjedhor për Bashkinë Dibër, qasja  diskrecionale e KQZ në raport me afatet proçeduriale vazhdon të jetë e njëjtë me preçedentët e krijuar më parë. Problem ngelet emërimi, ndërrimi dhe trajnimi i komisioneverë të qendrave të votimit dhe atyre të grupeve të numërimit të votave. Fakti i mostrajnimit ende i thuajse të gjithë trupës është tejet shqetësues dhe kërkon angazhimin e menjëhershëm të aktorëve politikë.

Për të dy koalicionet zgjedhore përgjatë kësaj fushate është vërejtur një prezencë e intensive dhe e tepërt e funksionarëve më të lartë politik, është një fenomen që ndodh shpesh në proçeset zgjedhore në Shqipëri. Deklarimet e hapura për mbështetje të qeverisë vetëm për njërin kandidat dhe deklarimi se kandidati tjetër nuk mund të bëjë asgjë përveçse kur të vijë partia e tij në pushtet përbëjnë një presion të hapur dhe cënojnë barazinë e garës elektorale.

Angazhimi dhe shpallja publike e strukturave të posaçme në mbrojtje të votës, pavarësisht arsyeve të servirura shkakton një rritje artificiale të tensionit. Jep tone pasigurie dhe përbën një kthim pas nga stadi i pretenduar i zhvillimit demokratik dhe institucional të vendit.

Ligjërimi përgjatë fushatës zgjedhore prej figurave politike nga të dyja koalicionet ka qenë i ngarkuar me akuza reciproke. Gjatë daljeve publike janë vërejtur raste të shumta të përdorimit të termave fyes dhe të gjuhës së urrejtjes”, tha Gerta Meta.