Digjet raundi i parë, Hysi: Asnjë kandidaturë për President

Ka dështuar komisioni i Ligjeve për procedurën e zgjedhjes së Presidentit të ri. Do të duhen edhe 7 ditë nga sot që raundi i dytë të zhvillohet, me qëllim paraqitjen e ndonjë kandidati.

“Deri në këtë moment nuk kemi asnjë kandidaturë të paraqitur, raundi i dytë duhet të zhvillohet jo më vonë se 7 ditë nga dita e sotme. Kushtetuta përcakton që çdo kandidat duhet të mbështetet nga të pakten 20 deputetë. Kandidati për president duhet të plotësojë formularët e dekriminalizimit, të plotësojë formularët e pastërtisë së figurës”,-tha kryetarja e këtij komisioni, Vasilika Hysi.

Sipas Hysit, raundi quhet i kryer edhe kur nuk ka kandidat. Sot Komsioni i dërgon raport parlamentit, ku theksohet se nuk ka asnjë kandidat për President.