Dule: Timonieri po e ndjen që po i rrëshqet pushteti, në lista ka të inkriminuar

Kreu i PBDNJ-së, njëherësh edhe kandidati për deputet i Partisë Demokratike në zgjedhjet e 25 prillit, Vangjel Dule, ka komentuar sulmin tek zyrat e FRD-së ditën e sotme, nga Policët e Shtetit dhe ata të Bashkisë së Tiranës.

I ftuar në emsionin ”Zonë e Lirë”, Dule tha se ky nuk është ogur i mirë, pasi sipas tij kryeministri Edi Rama po e ndjen se po i rrëshqet nga duart pushteti.

”Nuk është ogur i mirë dhe kjo ndodh për një arsye madhore. Timonieri i madh, Z. Rama, po e ndjen dita-ditës t’i rrëshqasi dhe do t’i shmanget debatit publik. Përmes nëmëkëmbësit të tij, gjeti momentin të largojë nga zyrat e veta një forcë politike që është në zgjedhje. Ato ambiente janë atje të rrethuara nga Policia e Shtetit. Në Durrës ka një listë kandidatësh me individë të inkriminuar, përpiqet që kamera të fokusohet vetëm tek kandidatet femra”.