“Ecim”, rikonfirmon Kryeministri Edi Rama, në përmbushjen e projektit për çlirimin e hapësirave publike

Kryeministri Edi Rama. në një publikim të bërë në mediat sociale ka rikonfirmuar sot angazhimin e qeverisë për të çuar përpara projektin e çlirimit të hapësirave publike, një nismë që ai e ka konsideruar jetike për qytetet shqiptare dhe jetën e përditshme të qytetarëve.

Me një deklaratë të shkurtër, por domethënëse: “Ecim”, Rama sinjalizoi vazhdimësinë dhe vendosmërinë në zbatimin e këtij projekti transformues.

Nisma për çlirimin e hapësirave publike synon lirimin e trotuareve, parqeve, shesheve dhe vijave bregdetare nga ndërtime pa leje, zaptime abuzive apo përdorime private që pengojnë funksionin e tyre publik. Projekti është pjesë e një vizioni më të gjerë për urbanistikën moderne, turizmin cilësor dhe përmirësimin e jetesës urbane.

Deklarata vjen në një moment kur operacionet e IKMT-së dhe strukturave vendore po vijojnë në disa zona urbane dhe turistike të vendit, për të rivendosur funksionin social e qytetar të hapësirave të përbashkëta.

Kryeministri ka theksuar më herët se ky projekt nuk është thjesht një ndërhyrje fizike, por një akt qytetarie dhe drejtësie, që vendos interesin publik mbi abuzimet e interesave private.

“Ecim” – një fjalë e vetme që sintetizon një filozofi qeverisëse që synon ta kthejë hapësirën e përbashkët në pasuri të të gjithëve.

AV