Jozefina Topalli: Edhe Putini ka arrestuar kryetarin e opozitës!

Nga Jozefina Topalli-

Nesër do jete një dite e erret për shtetin dhe demokracinë e vendit.

Kërkesa për arrestimin e Kryetarit te opozitës se vendit, te ish Presidentit, ish- Kryeministrit Sali Berisha , pas 12 vitesh nga largimi i tij si ish kryeministër është gjeja me absurde dhe e rrezikshme për pluralizmin shqiptar.

Dhe kjo turpëron një shoqëri..

Paradoksi është, se për Kryetarin e opozitës kane shpikur prej 3 vitesh një dosje ,qe nuk ka as çështje as prova. Dhe për te vazhduar me paradoksin, procesi është nisur nga Taulant Balla, anëtar i qeverise aktuale.

Dhe vetëm ky fakt do mjaftonte për te kuptuar se procesi është politik.

Por ky proces do turpëroje shtetin tone, edhe për faktin se disa hetues i kane marre pushtetin Parlamentit, dhe kjo është një kambane e forte.

Ky proces ka filluar dhe po mbyllet me disa standarde.

(E kur ne një proces lëvizet me disa standarde, procesi është politik.)

Një standard për pushtetarët si rasti Tahiri , kur Kuvendi i jep leje Spakut për heqjen e lirisë te lëvizjes dhe një tjetër për armikun Sali Berisha, kur hetuesia hyn në fushën e lojës politike, dhe brutalisht dhunon Kushtetutën si ne vendet autokratike, pa lejen e Parlamentit.

Paradoksi dhe rrezikshmëria replikohet kur hetuesia kërkon nga Kuvendi te ligjëroje dhunimin e tij te Kushtetutës duke shtuar masat shtrënguese për Kryetarin e opozitës.

Kryetari i opozitës zoti Sali Berisha është njeriu qe ka udhëhequr lëvizjen demokratike, qe ka futur vendin ne Këshillin e Europes, qe ka firmosur stabilizim Asociimin, qe ka futur vendin në NATO, që ka liberalizuat vizat, etj.

Gjate këtyre 3 dekadave ka patur disa Kryeministra, e pushtetarë. Nder të gjithë ata, zoti Berisha ka qenë dhe është njeriu me serioz ne raport me ligjin dhe shtetin.

E këtë e thonë edhe kundërshtarët e tij ne biseda kur nuk janë ne televizor.

Pushteti kërkon arrestimin e kryetarit te opozitës zotit Sali Berisha vetëm për një arsye:

Për t’i mbyllur gojën, qe ai te mos këtë mundësi te ngrihet kundra skandaleve e korrupsionit te frikshëm; qe ai te mos ketë mundësi te mbroje te drejtat e liritë e qytetareve; qe ai te hesht për plakjen e shoqërisë sonë nga largimi i shqiptareve; qe ai te mos ngrihet me kundra bandave e organizatave kriminale qe sundojnë kudo.

Unë nuk njoh një politikan ne 30 vite, qe te ketë patur kurajon si Sali Berisha për t’u ngritur kundër krimit e organizatave te frikshme kriminale.

Unë nuk njoh një tjetër qe te ketë bere beteja te pamundura si ai.

Sali Berisha nuk është i pagabueshëm.

Por asnjë nuk ka luftuar për interesin publik si ai.

Te kërkosh te arrestosh Kryetarin e opozitës sepse para 20 viteve ka bere një ligj për ish pronaret është ne kufijtë e te pabesueshmes.

Ai fitoi zgjedhjet e 2005 me atë program.

Ky nuk është vetëm paradoksi qe te le pa fjale, ky është precedenti i tmerrshëm i një rreziku potencial, qe i vërvitet Shqipërisë ne emër te anti korrupsionit, ( me ‘zero prova’) në një kohe kur pushteti është kalbur nga skandalet e pandalshme me dëme te pa llogaritshme për vendin. (e vetëm gërvishte nga ‘drejtësia e re’.)

Sali Berisha është politikani qe ka mbrojtur me fort se kushdo çështjen kombëtare.

Sali Berisha është i vetmi politikan qe i kërkohet heqja e imunitetit për here te dyte.

I vetmi lider, qe është rrezuar me dhune nga pushteti dhe ka ardhur ne pushtet me vote.

Kryeministri Berisha, ky burrë shteti siç ka thënë një ambasador amerikan ka dhënë dorëheqjen si kryetar partie, kur ka humbur zgjedhjet. I vetmi politikan mbi te cilin janë hedhur bomba, grushte e plumba, e përsëri nuk është dorëzuar.

I vetmi kryetar partie qe hyn ne zgjedhje pa vule e pa emër e merr mbi gjysme milion vota personale.

Edhe pse është 80 vjeç është politikani me energjik, me i vendosur ne misionin si kryetar opozite, sa turpëron çdo politikan e deputet te ri e te vjetër , sepse thotë te vërteta te forta qe shumë i dijnë por askush nuk i thotë.

E për këtë ai do martirizohet.

Si shoqëri ne kemi nevoje te reflektojmë me veten tone.

Ne 100 vitet e fundit janë pushkatuar dhe arrestuar shumica e Kryeministrave tone.

Po ashtu, janë ekzekutuar, arrestuar apo internuar pothuaj te gjithë firmëtarët e Aktit te Pavarësisë.

Historia jone është sa e dhimbshme po aq dhe e padrejte.

Histori fatale!

E megjithatë kjo ndodhte kur ishte kohe lufte apo diktature.

Kjo e sotmja po ndodh ne një vend te NATO-s.

Po, nëse kërkojnë sot arrestimin e kryetarit te opozitës për arsye politike-

Çfarë i mbetet kësaj demokracisë sonë te shkrete?

Kush do guxoje me te ngrihet për te drejtat e njeriut;

Kush do sakrifikonte me te bënte opozite te fuqishme si ajo e Berishës;

Kush do kishte me kurajo te përmendte me emër e mbiemër kriminelet e frikshëm.

Çfarë do i bëjnë pas kësaj një qytetari te thjeshte nëse ne nuk reagojmë!

Ndoshta Kryetarit te Partisë Demokratike, zotit Sali Berisha nuk i vjen keq për veten e tij qe po martirizohet, por vendi jone nuk ka nevoje për martire.

Nesër jemi zyrtarisht një vend me kryetarin e opozitës të arrestuar.

Njëlloj si ne Rusi!