Edi Rama: Njihuni me transformimin e Fierit…

Kryeministri Edi Rama ka postuar në Facebook disa foto nga projekti për rikonstruksionin e qytetit të Fierit. Kryeministri shkruan se ky projekt ka rritur ndjeshëm vlerën e pronave dhe apartamenteve në Fier.

“ “Operacioni i transformimit rrënjësor urban të Fierit është një shembull i qartë i dallimit mes Shqipërisë që kishim dhe Shqipërisë që kemi, por edhe i përpjekjes sonë të përditshme në rrugën e ndërtimit të Shqipërisë që duam.

Vlera e rritur ndjeshëm e apartamenteve dhe mjediseve tregtare, rritja e numrit të turistëve dhe përfshirja e Shqipërisë çdo herë e më shumë ndër destinacionet kryesore të operatorëve ndërkombëtarë turistikë, janë përgjigjja më e mirë për ata që operacionet civilizuese të Rilindjes Urbane i quajnë fasadë, pastrimin e plehrave e gërmadhave 25-vjeçare e quajnë shoë dhe luftën për zhvillim ekonomik, punësim, mirëqenie e kuptojnë vetëm si shpërndarje lëmoshash e favoresh sipas teserave të partisë. #PërShqipërinëQëDuam#PS #PunëShtetMirëqenie?”-, tha Rama.