Edi Rama:“Liri e Shqipërisë“, vektor i fuqishëm në promovimin e kombit

Kryeministri Edi Rama, në rubrikën e tij Amarcord në facebook, përkujtoi të dielën 106 vjetorin e publikimit në Sofje të botimit “Liri e Shqipërisë“, të cilën e konsideron “një nga vektorët më të fuqishëm në diasporë për promovimin e të drejtave të kombit”.

“Si sot 106 vjet me parë dilte në shtyp një “fletoare” e madhe kombëtare nga një prej të parave shtypshkronja shqiptare në pronësi të patriotit të madh të kolonisë shqiptare në Sofje, Kristo Luarasi. Tipografia e përdorur është ajo e Shoqërisë së Stambollit me të cilën u shtypën disa prej veprave madhore të rilindasve, përfshirë edhe ato të Naim Frashërit.
“Liri e Shqipërise” e cila, deri më 1914, u bë një nga vektorët më të fuqishëm në diasporë për promovimin e të drejtave të kombit, meriton të përkujtohet edhe si një përpjekje për një gazetari të mirëfilltë në shqip”, shkruan kryeministri në rubriken Amacord.