Erdogan uron Ilir Metën, e fton për vizitë në Turqi

Presidenti i zgjedhur Ilir Meta, mori një mesazh urimi nga Presidenti i Turqisë, Rexhep Erdogan, i cili e përgëzoi dhe e uroi për zgjedhjen në detyrën e lartë të Presidentit të Republikës.

Presidenti Erdogan gjatë një bisede telefonike me z.Meta, i ka shprehur falenderimet për  kontributin që ai ka dhënë ai si Kryetar Kuvendi në forcimin e marrëdhënieve mes dy vendeve.

Gjithashtu Erdogan ka ftuar Presidentin e ri Metën për vizitë zyrtare në Turqi. Nga ana e tij, Meta ka shprehur besimin për forcimin e bashkëpunimit mes Shqipërisë dhe Turqisë.

“Rajoni përballet me sfida të mëdha stabilteti e sigurie që kërkojnë përgjegjshmëri e përkushtim. Miqësia mes Shqipërisë dhe Turqisë është e rëndesishme për të gjithë  rajonin. Të forcojmë më tej marrëdheniet tradicionale e vellazërore midis 2 vendeve. Forcimi marrëdhënieve tona do i shërbejë sigurisë rajonale e luftës kundër terrorizmit”,-theksoi z.Meta