Erisa Xhixho: Qeveria e shtypjes dhe shkatërrimit kërkon uljen e pensioneve dhe pagave të shqiptarëve

Nënkryetarja e LSI-së, Erisa Xhixho ka reaguar lidhur me deklaratën e ish-ministrit të PS-së, Ilir Beqaj, për shkurtimin e pensioneve.

Përmes një postimi në Faebook, Xhixho shprehet se shteti është në prag të falimentimit. “Qeveria vazhdon të vjedhë paratë e shqiptarëve përmes koncesioneve e tenderave sekretë, dhe nga ana tjetër kërkon uljen e pagave dhe pensioneve”,- shkruan Xhixho.

Në vijim postimi i plotë i Xhixhos

Qeveria e shtypjes dhe shkatërrimit kërkon uljen e pensioneve dhe rrogave të shqiptarëve.
Nderkohë vjedhja e parave të shqiptarve të vazhdojë, me 250 milionë euro PPP e koncensionet të mbeten të paprekura.
Me tendera sekretë, nga ushqimet te letrat higjenike.

Jemi në kushtet e një shteti në prag falimentimit.
Qeveria të shprehet dhe ti tregojë Shqiptarëve në çfarë grope financiare e ka sjellë ekonominë e vendit, vjedhja vjedhja dhe vetëm vjedhja.

Kjo tregon dështimin dramatik kësaj qeverie.
Sot maska, fasadat, propaganda kane rënë.